السلام عليكم ورحمة الله وبركاته
نتكلم عن الفوتوشوب الي لاهب عقول الكثيرين في هذه الفتره بالتحديد
ومدى فعاليته في الجرافيكس ..
نتكلم بشكل عام عنه الفوتوشوب هو تابع لشركة الأدوبي
حيث أنه يقوم بالتصميم الثنائي الأبعاد ..
له مميزات كثيره من يخطوا أولى خطواته بشكل صحيح
وبتمرس دائم ..
خلنا نتفق على حاجه تبغون الدروس كلها بهالموضوع
ولا كل درس بموضوع مختلف؟! <<< راي الأكثريه بيمشي
بالنسبه لتطبيقكم أو عدمه فهذا شي يريحكم ، الي يطبق أول بأول
بيتذكر كل فائدة لكل أداه ، والي مايطبق كأنه تعلم الانجليزي وما يمارسه ..
وبالنسبه للدروس الي بحطها أحاول أكتبها بالفصحى ( كثر ما تكون الكلمه قريبه
مني ) ، والشي الثاني الي ابغي أنوه عليه شرحي للأداة واستخدامها تختلف من
شخص لآخر ، فكثر ما أقدر راح أحط كل الأدوات واستخدامها بالطرق المختلفه ،
بس مو باجر أحد يقول لي انتي تشرحين الأداه بشكل خاطئ ؟! <<<< كل شخص
له اسلوبه في استخدام الأداه
راح ابتدي بالأساسيات يعني بنعرف الفوتوشوب مو بس تطبيق دروس
انما شنو هو ومحتوياته وقوائمه وادواته ...
اي استفسار أو سؤال وربي يشرفني الاجابه عليه ، وفي شغله مهمه
الايميل الموجود في توقيعي أمانه لا ترسلون فيه ملفات مشكوك فيها
مثل امتداد exe. أو bat. ، أولاً مافيني شدة هكر وتخربون جهازي ،
الشي الثاني احتراماً للمشرفه الي تحاول تساعدكم وعدم العبث بملفاتها
ودمتم طيبين
يالله نبتدي جد :
]
نشوف قدامنا هذي هي بيئة العمل تبعة الفوتوشوب ، هالدرس بنتكلم بشكل عام
والمرات الجايه بنخصص كل حاجه..
(1) قائمة اسم البرنامج (فيه اسم البرنامج مثل ماتلاحظون )
(2) قائمة المهام ( تحتوي على المهام الي نستخدمها في البرنامج والتفاصيل لاحقاً)
(3) قائمة الخيارات ( تواجدها مهم لأداء اي أداة حتى نغير فيها )
(4) قائمة الأدوات ( الأدوات الي بنستخدمها في الشغل )
(5) القوائم العائمه ( يعني تواجدها أو عدمه بحسب كل شخص واستخدامه للقائمه )
اخووووووووووووكم عاشق النصر